من طرف شباب وبنات حوارات واشتغالات
النت بجد مليان متاهات
وكله مقضيها خد وهات
كله داخل النت عشان يصطاد
بت بتدور على عريس وشاب بيدور على خروجات
كله بيشتغل التانى كوميديا ومسخره وشغل عالى
نسمه بتدور على هانى وتقول خلاص لقيت فتى احلامى
واحمد عامل نفسه امانى
ويحور على اى واحد ويألفله كلام اغانى
شباب وبنات حوارات واشتغالات
جوه النت بجد عالم تانى
عالم كله بيشتغل كله ماتعرفش مين احمد ومين تهانى
ولا تعرف مين دنيا ولا تعرف ساميه من هانى
جوه النت هتقابل عليا ساكنه ف المطريه
وتقولك ساكنه ف اسكندريه
والا البيه اللى عنده 100 وبيقول انا لسه ف كليه
وحاطط صوره لنفسه واكيد طبعا مش هيه
ويقول قال ايه انه غنى وعنده كمان عربيه
والحقيقه طبعا انه اصلا مااعهوش يجيب طعميه
وبنات عايشه فى دور قمرات
او حتى فاكره نفسها شربات
وينزل العبيط على طول عشان يقابل القمر
يفوجأ بانه بيقابل جوز شرابات
والكوميديا شغاله على طول كل يوم ف النت داير مايدور
شباب وبنات حوارات واشتغالات
جوه النت بجد عالم تانى
كل يوم بنات بتيجى وبنات بتروح
وشباب بيدور على بنات ويروح يقابلهم مطرح مايروح
واحده تطلع عرجه واحده مش بتشوف
واحده تطلع طارشه واحده دماغها هرشه
شباب وبنات حوارات واشتغالات
جوه النت بجد عالم تانى
ايميلات اشتغالات حوارات خد وهات
شباب مش عارفه فين تقابل البنات
وبنات بتدور على ارقام التليفونات
النت بجد مليان متاهات
وكله مقيضها خد وهات
كفايه بقى علينا الحوارات
