مركز الماسة التعليمى

حظك اليوم بطريقه ظريفه هههههههههه  Gwgt0-11


انضم إلى المنتدى ، فالأمر سريع وسهل

مركز الماسة التعليمى

حظك اليوم بطريقه ظريفه هههههههههه  Gwgt0-11

مركز الماسة التعليمى

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

مطلوب مشرفين على جميع الاقسام ....فور التسجيل ....شرط تحمل المسئولية

تم اعاده العمل بايميل المنتدى ElmasaEdu@yahoo.com الاداره .. للمراسلة الخاصة بالمنتدى او تبادل اعلانى

الاستاذ محمد السلامونى : ردا على كل ما قيل . حسبى الله ونعم الوكيل وافوض امرى الى الله

ارجو من جميع المشرفين تسجيل حضورهم ف اليومية الجديده لأن سيتم التعامل معهم بكل حزم

2 مشترك

    حظك اليوم بطريقه ظريفه هههههههههه

    RooZa
    RooZa
    نـــــائب المــــــــدير


    انثى عدد المساهمات : 764
    تاريخ التسجيل : 03/09/2010
    العمر : 27
    مدينتك : elmahala
    العمل/الترفيه : مافيش
    المزاج : good

    حظك اليوم بطريقه ظريفه هههههههههه  Empty حظك اليوم بطريقه ظريفه هههههههههه

    مُساهمة من طرف RooZa الأربعاء مارس 09, 2011 7:45 pm

    برج الحمل [21(أذار-مارس-شوال) - 20(نيسان-أبريل-ذو القعدة)]
    ************************************************** ******
    إيه اللي جرالك ما كنت كويس، شكلك كدة واقع في مشكلة جامدة متقلقش المشكلة هتتنيل أكتر، إجمد وماتبقاش خرع
    - يمكن خطيبك يسيبك، مش هيقولك السبب، بس السبب إنه بيحب عليكي، قوليلو إنك راضية، لو راح منك مش هتلاقي عرسان تاني




    برج الثور [21(نيسان-أبريل-ذو القعدة) - 20(أيار-مايو-ذو الحجة)]
    ************************************************** ********
    واحد قريبك من بعيد هيقابلك صدفة هيعرفك ومش هتعرفه هيعزمك عالغدا، روح معاه طبيخ مراته طبيخ مالأخر
    - شغل البيت كتر ومش ملاحقة عليه، هاتي شغالة تساعدك بس جوزك هيحبها ويتجوزها عليكي ويشغلك عندها




    برج الجوزاء [21(أيار-مايو-ذو الحجة) - 21(حزيران-يونيو-محرم)
    ************************************************** ******
    واحد صاحبك وعزيز عليك عايز يتجوز، بس مش عارف يطلب إيد العروسة الشمال وللا اليمين، وهيطلب مساعدتك
    - الشتا عامل عمايله معاكي لا كريمات نافعة ولا زبدة كاكاو نافعة ولا أي حاجة نافعة، إشربي ليمون متلج

    برج السرطان [22(حزيران-يونيو-محرم) - 22(تموز-يوليو-صفر)]
    ************************************************** *********
    لسة الموضوع إياه محيرك، نصيحة مني سيبك منه ده موضوع مايستهلش، ماهو لو كان فيه خير مكانش رماه الطير
    - جارتك بتعاكس جوزك وانتي مش دريانة، وحماتك مستحلفالك عشان مجبتلهاش الطلب اللي طلبته منك الإسبوع اللي فات




    برج الأسد [23(تموز-يوليو-صفر) - 22(آب-أغسطس-ربيع1)]
    ************************************************** ****
    هتخلص شغلك وتروح على بيتكو جرى في مفاجأة مستانياك في البيت مراتك عملالك محشي ورق عنب
    - كل اللي فات كوم واللي جاي كوم تاني، لو مبتعرفيش تطبخي إتعلمي عشان هيجيلك ضيوف في البيت قريب




    برج العذراء [23(آب-أغسطس-ربيع1) - 22(أيلول-سبتمبر-ربيع2)]
    ************************************************** **********
    يا أخي إنطق بقى دالحجر نطق، هتفضل ساكت لحد ماتروح منك، أنا حذرتك وماليش دعوة
    - طبيخ كل يوم مش هينفع، إعملي حاجة جديدة، جربي تعملي نيو لوك للقطة بتاعتك مثلا


    برج الميزان [23(أيلول-سبتمبر-ربيع2) - 22(تشرين1-أكتوبر-جمادى1)
    ************************************************** ************
    هتضرب خناقة جامدة مع أبوك لأنه هيقفشك وإنت بتسموك، ماهو لو كان رباك عدل مكانش حصل كدة
    - أهلك هيكتشفو العلاقة اللي بينك وبين إبن الجيران، إلحقي ولعي في الجوابات بتاعته وبلاش تستنيه قدام الحضانة عشان الميس بتاعته هتشوفك




    برج العقرب [23(تشرين1-أكتوبر-جمادى1) - 21(تشرين2-نوفمبر-جمادى2)]
    ************************************************** *****************
    حاول متصرفش فلوس كتير لأنك هتتزنق فيها قريب وبطل تبعت إس إم إس على قنوات الفيديو كليب
    - خلصتي كل فلوسك على واحد مايستاهلش، إسمعي كلامي وسيبك منه، في كتاب طبيخ نزل السوق بيقولو عليه حلو


    برج القوس [22(تشرين2-نوفمبر-جمادى2) - 20(كانون1-ديسمبر-رجب)]
    ************************************************** *************
    حذرتك قبل كدة من الجري ورا البنات ومسمعتش الكلام المرة دي لو مسمعتش الكلام هتاخد علقة حلوة
    - لو جالك فارس أحلامك أول حاجة تطلبيها تكون العصمة في إيدك عشان هيطلع ندل




    برج الجدي [20(كانون1-ديسمبر-رجب) - 19(كانون2-يناير-شعبان)]

    ************************************************** **********
    مش معنى إن المدير مبسوط منك إنك تتمرع وتطلب إيد بنته، هتترفض وقفاك هيقمر عيش
    - إيه معنى الحب طلاما مفيش حبيب، إتلهي وركزي في حاجة مفيدة



    برج الدلو [20(كانون2-يناير-شعبان) - 18(شباط-فبراير-رمضان)]
    ************************************************** **********
    الأسبوع ده كله هتقضيه خناقات مع الناس، إعمل حسابك في فلوس عشان العلاج
    - جوزك هيحب عليكي وبكل بجاحة هيقولك على كل حاجة، شدي حيلك




    برج الحوت [19(شباط-فبراير-رمضان) - 20(أذار-مارس-شوال)]
    ************************************************** ******

    اليوم مش يومك نكد من الصبح لبليل، إجتنب أي حاجة فيها ضحك لأن النتايج عكسية
    - إمبارح كنتي هايلة والوصفة اللي عملتيها كانت خرافة، هيجيلك هدية من واحد غريب

    منقووول......
    roka.alahlawya
    roka.alahlawya
    عضو ماسى على حق
    عضو ماسى على حق


    انثى عدد المساهمات : 453
    تاريخ التسجيل : 19/09/2010
    العمر : 28
    مدينتك : المحلة
    العمل/الترفيه : الفيس بوك والخروج
    المزاج : رايقة على الاخر

    حظك اليوم بطريقه ظريفه هههههههههه  Empty رد: حظك اليوم بطريقه ظريفه هههههههههه

    مُساهمة من طرف roka.alahlawya الأربعاء مارس 09, 2011 9:02 pm

    جااامدين اوووى يادودو
    RooZa
    RooZa
    نـــــائب المــــــــدير


    انثى عدد المساهمات : 764
    تاريخ التسجيل : 03/09/2010
    العمر : 27
    مدينتك : elmahala
    العمل/الترفيه : مافيش
    المزاج : good

    حظك اليوم بطريقه ظريفه هههههههههه  Empty رد: حظك اليوم بطريقه ظريفه هههههههههه

    مُساهمة من طرف RooZa الخميس مارس 10, 2011 10:12 pm

    ميرسى ياشروق

      الوقت/التاريخ الآن هو الجمعة مارس 29, 2024 9:28 am